石頭變黃金
《石頭變黃金》Tsio̍h-thâu Piàn N̂g-kim
吳俊宏Ngôo Tsùn-hông
——————————————
欣羨人好額好名聲
him-siān lâng hó-gia̍h hó miâ-siann
欣羨人幸福過生活
him-siān lâng hīng-hok kuè sing-ua̍h
想欲出人頭地
siūnn-beh tshut-lâng-thâu-tē
著愛拍拚
tio̍h-ài phah-piànn
一跤步一滴汗
tsi̍t kha-pōo tsi̍t-tih kuānn
成功路
sîng-kong lōo
坎坷免著驚
khám-khia̍t bián tio̍h-kiann
日出嘛愛經過烏夜
ji̍t tshut mā ài king-kuè oo-iā
人講天降大任
lâng kóng thian kàng tāi-jīm
著必須要
tio̍h pit-su-iàu
磨練堅強心肝
buâ-liān kian-kiông sim-kuann
毋是天生
m̄-sī thian-sing
毋是註定
m̄-sī tsù-tiānn
毋是落塗八字命
m̄-sī lo̍h-thôo peh-jī-miā
石頭變黃金
tsio̍h-thâu piàn n̂g-kim
前途家己拚
tsiân-tôo kā-tī piànn
人生價值家己寫
jîn-sing kè-ta̍t ka-tī siá
人人愛好額好名聲
lâng-lâng ài hó-gia̍h hó miâ-siann
人人愛幸福過生活
lâng-lâng ài hīng-hok kuè sing-ua̍h
認真跤踏實地
jīn-tsin kha ta̍h si̍t-tē
啊~骨力拚
ah~ kut-la̍t piànn
為家己開紅盤
uī ka-tī khui âng-puânn
—
啊~石頭嘛會變黃金
ah~ tsio̍h-thâu mā ē piàn n̂g-kim
創造好運命
tshòng-tsō hó ūn-miā
