男人眼中淚
《男人眼中淚》Lâm-jîn Gán-tiong Luī
朱德寶Tsu Tik-pó
——————————————
男人的眼中淚
lâm-jîn ê gán-tiong luī
總是心內吞
tsóng–sī sim-lāi thun
有啥人會了解
ū siánn-lâng ē liáu-kái
藏佇心中的無奈
tshàng tī sim-tiong ê bô-nāi
請你莫問阮的名
tshiánn lí mài mn̄g gún ê miâ
阮是暗淡的小飛俠
gún sī àm-tām ê xiǎofēixiá
一雙跤
tsi̍t-siang kha
行過世間的繁華
kiânn kuè sè-kan ê huân-huâ
啥物攏毋驚
siánn-mih lóng m̄-kiann
為著拚輸贏
uī-tio̍h piànn-su-iânn
毋驚風雨沃澹阮心肝
m̄-kiann hong-hōo ak-tâm gún sim-kuann
人生這條路
jîn-sing tsit tiâu lōo
雖然遮歹行
sui-jiân tsiah pháinn-kiânn
為著你
uī-tio̍h lí
嘛著繼續拚
mā tio̍h kè-sio̍k piànn
世間的愛恨
sè-kan ê ài-hūn
一生的牽掛
it-sing ê khian-kuà
有啥人會當看破
ū siánn-lâng ē-tàng khuànn-phuà
