大道精神
《大道精神》Tāi-tō Tsing-sîn
向蕙玲Hiòng Huī-lîng
——————————————
救世治病吳真人
kiù-sè tī-pēnn Ngôo-tsin-jîn
飛昇仙界保生帝
hui-sing sian-kài Pó-sing-tè
開墾之初闢潭底
khai-khún tsi tshoo pi̍k Thâm-té
壬寅恭請香火延
jîm-în kiong-tshiánn hiunn-hué iân
百年方成濟安宮
pah-nî hong sîng Tsè-an-kiong
恩澤靈感來濟世
un-ti̍k lîng-kám lâi tsè-sè
戊申建廟佑百姓
bōo-sin kiàn-biō iū peh-sènn
魂金定位始東遷
hûn kim tīng-uī sí tang tshian
治癒虎喉
tī-jú hóo âu
列位駕前
lia̍t-uī kà-tsîng
妙手回春
miāu-tshiú huê-tshun
護佑萬千
hōo-iū bān-tshian
救民心繫蒼生願
kiù-bîn sim hē tshong-sing guān
樹林濟安弘此緣
Tshiū-nâ Tsè-an hông tshú iân
三月十五大帝顯
sann-gue̍h tsa̍p-gōo Tāi-tè hián
大道精神傳萬世
tāi-tō tsing-sîn thuân bān-sè
