心愛的我愛你
《心愛的我愛你》Sim-ài–ê Guá Ài Lí
小林玉 Sió-lîm-gio̍k(王善Ông Siān)
——————————————
是按怎變這款
sī-án-tsuánn piàn tsit-khuán
敢講是命運作弄人
kám-kóng sī miā-ūn tsok-lōng lâng
咱兩人的願望
lán nn̄g-lâng ê guān-bāng
煞來變成空
suah lâi piàn-sîng khang
早若知也有這工
tsá nā tsai iā ū tsit-kang
會來遮爾悲慘
ē lâi tsiah-nī pi-tshám
當初又何必
tong-tshoo iū hô-pit
來愛甲遮爾重
lâi ài kah tsiah-nī tāng
想起你
siūnn-khí lí
目屎就流也流袂離
ba̍k-sái tsiū lâu iā lâu buē-lī
放袂記
pàng-buē-kì
是一層痛苦的代誌
sī tsi̍t-tsân thòng-khóo ê tāi-tsì
決心欲予醉
kuat-sim beh hōo tsuì
偏偏又愈啉愈清醒
phian-phian iū jú lim jú tshing-tshínn
分袂清滿杯是酒
hun buē-tshing muá-pue sī tsiú
抑是淚滴
ia̍h-sī luī-tih
無論你佇佗位
bô-lūn lí tī tó-uī
一句話欲予你
tsi̍t-kù uē beh hōo lí
啊~心愛的我愛你
ah~ sim-ài–ê guá ài lí
