錢財留世間
《錢財留世間》Tsînn-tsâi Lâu Sè-kan
李天良Lí Thian-liông
——————————————
我來唸歌予恁聽
guá lâi liām-kua hōo lín thiann
身體健康家己晟
sin-thé kiān-khong kai-kī tshiânn
錢銀只是身外物
tsînn-gûn tsí-sī sin-guā bu̍t
夠開夠用莫貪求
kàu khai kàu iōng bo̍k tham-kiû
赤身裸體來人間
tshiah-sin lō-thé lâi jîn-kan
算算不過幾萬工
sǹg-sǹg put-kò kuí-bān kang
走東往西認真趁
tsáu-tang óng-sai jīn-tsin thàn
看病保養無時間
khuànn-pīnn pó-ióng bô sî-kan
時間若到彼一工
sî-kan nā kàu hit-tsi̍t-kang
跤直目反離人間
kha ti̍t ba̍k píng lî jîn-kan
陰陽相隔是難免
im-iông siong-keh sī lân-bián
身軀燒了變成煙
sin-khu sio liáu piàn-sîng ian
命運好歹免怨嘆
miā-ūn hó-pháinn bián uàn-thàn
序細爭奪仇恨現
sī-suè tsing-tua̍t siû-hūn hiàn
任由老伴揣新歡
jīm-iû lāu-phuānn tshē sin-huan
賠了性命誰可憐
puê liáu sìnn-miā siáng khó-liân
後悔錢財留世間
hiō-hué tsînn-tsâi lâu sè-kan
