阮的靠山
《阮的靠山》Gún ê Khò-suann
王壹珊Ông It-san
——————————————
孤單的心肝
koo-tuann ê sim-kuann
無你來疼
bô lí lâi thiànn
親像海上的船隻
tshin-tshiūnn hái-siōng ê tsûn-tsiah
將你當做阮性命
tsiong lí tòng-tsuè gún sìnn-miā
你的心肝有知影
lí ê sim-kuann ū tsai-iánn
為情為愛
uī tsîng uī ài
為你的心情
uī lí ê sim-tsiânn
想欲予你晟
siūnn-beh hōo lí tshiânn
坎坷路途真歹行
khám-khia̍t lōo-tôo tsin pháinn-kiânn
毋甘你為阮受風寒
m̄-kam lí uī gún siū hong-kuânn
將你當做阮的靠山
tsiong lí tòng-tsuè gún ê khò-suann
永遠永遠的依倚
íng-uán íng-uán ê i-uá
茫茫情路
bâng-bâng tsîng-lōo
有你做伴
ū lí tsuè-phuānn
思思念念你的名
su-su-liām-liām lí ê miâ
阮甘願當做你
gún kam-guān tòng-tsuè lí
一世人的靠山
tsi̍t-sì-lâng ê khò-suann
