愛人是行船人

《愛人是行船人》Ài-jîn Sī Kiânn-tsûn-lâng
江蕙Kang Huī
——————————————
在阮的心目中
tsāi gún ê sim-bo̍k tiong
伊是一个男子漢
i sī tsi̍t-ê lâm-tsú-hàn
在阮的一生中
tsāi gún ê it-sing tiong
只愛伊一人
tsí ài i tsi̍t-lâng
伊的船隻已經欲出帆
i ê tsûn-tsiah í-king beh tshut-phâng
毋知何時
m̄-tsai hô-sî
才會閣再入港
tsiah-ē koh-tsài ji̍p-káng
雖然裝著笑容
sui-jiân tsng tio̍h tshiò-iông
來共伊相送
lâi kā-i sio-sàng
啊~心愛的人
ah~ sim-ài ê lâng
暗中目箍紅
àm-tiong ba̍k-khoo âng

在故鄉真稀微
tsāi kòo-hiong tsin hi-bî
孤單一个過日子
koo-tuann tsi̍t-ê kuè ji̍t-tsí
踮海邊輕輕來叫著伊名字
tiàm hái-pinn khin-khin lâi kiò tio̍h i miâ-jī
阮的心肝已經綴伊去
gún ê sim-kuann í-king tuè i khì
毋知何時
m̄-tsai hô-sî
才會閣再相見
tsiah-ē koh-tsài sio-kìnn
雖然裝著笑容
sui-jiân tsng tio̍h tshiò-iông
來共伊安慰
lâi kā-i an-uì
啊~心愛的人
ah~ sim-ài ê lâng
心肝像針揻
sim-kuann tshiūnn tsiam ui