你是可恨的人
《你是可恨的人》Lí Sī Khó-hūn ê Lâng
俞隆華Jû Liông-huâ
——————————————
月臺的霜風吹動
gua̍t-tâi ê sng-hong tshue-tāng
吹入了我的耳空
tshue ji̍p liáu guá ê hīnn-khang
若親像心愛的人
ná-tshin-tshiūnn sim-ài ê lâng
叫我毋免戇戇等
kiò guá m̄-bián gōng-gōng tán
引我來心情沉重
ín guá lâi sim-tsîng tîm-tāng
過去已經全無望
kuè-khì í-king tsuân bô-bāng
枉費我對你留戀
óng-huì guá tuì lí liû-luân
一切無彩工
it-tshè bô-tshái-kang
只有是自己埋怨
tsí-ū sī tsū-kí bâi-uàn
這是我心甘情願
tse sī guá sim kam tsîng guān
愈想是心愈煩
jú siūnn sī sim jú huân
你是可恨的人
lí sī khó-hūn ê lâng
車窗外海風吹動
tshia-thang guā hái-hong tshue-tāng
吹走了我的希望
tshue-tsáu liáu guá ê hi-bāng
車內的燈光暗淡
tshia-lāi ê ting-kng àm-tām
玻璃窗有你的人
po-lê-thang ū lí ê lâng
引我來心情沉重
ín guá lâi sim-tsîng tîm-tāng
過去已經全無望
kuè-khì í-king tsuân bô-bāng
枉費我對你留戀
óng-huì guá tuì lí liû-luân
一切無彩工
it-tshè bô-tshái-kang
只有是自己埋怨
tsí-ū sī tsū-kí bâi-uàn
這是我心甘情願
tse sī guá sim kam tsîng guān
愈想是心愈煩
jú siūnn sī sim jú huân
你是可恨的人
lí sī khó-hūn ê lâng
一陣陣寒風吹動
tsi̍t-tsūn-tsūn hân-hong tshue-tāng
吹醒了我的美夢
tshue-tshínn liáu guá ê bí-bāng
夢中有無情的人
bāng-tiong ū bô-tsîng ê lâng
醒來身邊也是空
tshínn–lâi sin-pinn iā-sī khang
引我來心情沉重
ín guá lâi sim-tsîng tîm-tāng
過去已經全無望
kuè-khì í-king tsuân bô-bāng
枉費我對你留戀
óng-huì guá tuì lí liû-luân
一切無彩工
it-tshè bô-tshái-kang
只有是自己埋怨
tsí-ū sī tsū-kí bâi-uàn
這是我心甘情願
tse sī guá sim kam tsîng guān
愈想是心愈煩
jú siūnn sī sim jú huân
你是可恨的人
lí sī khó-hūn ê lâng
