疼心的愛情夢
《疼心的愛情夢》Thiànn-sim ê Ài-tsîng Bāng
邱芸子Khu Ûn-tsú
——————————————
雄雄的一句話
hiông-hiông ê tsi̍t-kù uē
就欲結束
tiō bueh kiat-sok
遮久的情份
tsiah kú ê tsîng-hūn
放棄啦放棄啦
hòng-khì–lah hòng-khì–lah
無值得懷念的人
bô ta̍t-tit huâi-liām ê lâng
我袂閣再
guá buē koh-tsài
閣再為你來痴戀
koh-tsài uī lí lâi tshi-luân
敢講你袂記
kám-kóng lí buē-kì
抑是你失理智
ia̍h-sī lí sit lí-tì
將愛情當做一齣戲
tsiong ài-tsîng tòng-tsuè tsi̍t-tshut hì
叫我怎忍受
kiò guá tsuánn jím-siū
叫我怎忍耐
kiò guá tsuánn jím-nāi
感情變成八月的風颱
kám-tsîng piàn-sîng peh-gue̍h ê hong-thai
只留予我傷心的所在
tsí lâu hōo guá siong-sim ê sóo-tsāi
疼心疼心的愛情夢
thiànn-sim thiànn-sim ê ài-tsîng bāng
