想你的情歌
《想你的情歌》Siūnn Lí ê Tsîng-kua
林萱Lîm Suan
——————————————
一句甜甜
tsi̍t-kù tinn-tinn
一聲酸酸的感覺
tsi̍t-siann sng-sng ê kám-kak
唱出想你的情歌
tshiùnn-tshut siūnn lí ê tsîng-kua
月娘的光線
gue̍h-niû ê kng-suànn
照入窗內
tsiò ji̍p thang-lāi
親像佇咧安慰著我
tshin-tshiūnn tī-teh an-uì tio̍h guá
天星閃爍
thinn-tshinn siám-sih
鑿著阮的心肝
tsha̍k tio̍h gún ê sim-kuann
害阮思念攬著孤單
hāi gún su-liām lám tio̍h koo-tuann
毋敢相信
m̄-kánn siong-sìn
你會遐爾仔硬心肝
lí ē hiah-nī-á ngī sim-kuann
如今情海起變卦
jû-kim tsîng-hái khí piàn-kuà
海水已經焦
hái-tsuí í-king ta
思念無地看
su-liām bô-tè khuànn
心疼的我
sim thiànn ê guá
啊~莫閣戇矣
ah~ mài koh gōng–ah
你是永遠
lí sī íng-uán
袂閣轉來揣我
buē koh tńg-lâi tshuē guá
