看破
《看破》Khuànn-phuà
林俊彥Lîm Tsùn-gān
——————————————
何必來愛你
hô-pit lâi ài lí
愛你一人
ài lí tsi̍t-lâng
甘願犧牲
kam-guān hi-sing
犧牲一切的希望
hi-sing it-tshè ê hi-bāng
為何在夢中會心茫茫
uī-hô tsāi bāng-tiong ē sim bâng-bâng
見面你又偏偏遮爾冷淡
kìnn-bīn lí iū phian-phian tsiah-nī líng-tām
到底為啥物的原因
tàu-té uī siánn-mih ê guân-in
啥物事項
siánn-mih sū-hāng
枉費我來為你心苦痛
óng-huì guá lâi uī lí sim khóo-thàng
你總也知
lí tsóng iā tsai
阮的真情阮的真愛
gún ê tsin-tsîng gún ê tsin-ài
全部來獻予你一人
tsuân-pōo lâi hiàn hōo lí tsi̍t-lâng
你予我心痴迷
lí hōo guá sim tshi-bê
我為你心痴迷
guá uī lí sim tshi-bê
你攏無半點體會
lí lóng bô puànn-tiám thé-huē
無感覺心難過
bô kám-kak sim lân-kuè
也無講半句體貼的話
iā bô kóng puànn-kù thé-thiap ê uē
安慰著阮心痴迷
an-uì tio̍h gún sim tshi-bê
你既然遮爾絕情
lí kì-jiân tsiah-nī tsua̍t-tsîng
看破一切
khuànn-phuà it-tshè
再會啦
tsài-huē–lah
