番薯狂想曲
《番薯狂想曲》Han-tsî Kông-sióng-khik
林宜誠Lîm Gî-sîng
詹喆君Tsiam Tiat-kun
許逸聖Lîm I̍t-sìng
張瑞芬Tiunn Suī-hun
施履誠Si Lí-sîng
梁華蓁Niû Huâ-tsin
——————————————
番薯
han-tsî
番薯
han-tsî
古早的散凶人
kóo-tsá ê sàn-hiong-lâng
食番薯驚人知
tsia̍h han-tsî kiann lâng tsai
真失志
tsin sit-tsì
現在的好額人
hiān-tsāi ê hó-gia̍h-lâng
食番薯通人知
tsia̍h han-tsî thong-lâng tsai
真歡喜
tsin huann-hí
番薯番薯
han-tsî han-tsî
哪會遮稀奇
ná ē tisah hi-kî
古早現在
kóo-tsá hiān-tsāi
閣有兩種味
koh ū nn̄g-tsióng bī
閣有兩種味
koh ū nn̄g-tsióng bī
閣有兩種味
koh ū nn̄g-tsióng bī
閣有兩種味
koh ū nn̄g-tsióng bī
古早來看今仔日
kóo-tsá lâi khuànn kin-á-ji̍t
好額人真是戇大豬
hó-gia̍h-lâng tsin sī gōng-tuā-ti
番薯粗俗無人挃
han-tsî tshoo-sio̍k bô-lâng ti̍h
頭前後壁滿滿是
thâu-tsîng āu-piah muá-muá-sī
哪會將人做豬飼
ná ē tsiong lâng tsuè ti tshī
將人做豬飼
tsiong lâng tsuè ti tshī
現在來看古早時
hiān-tsāi lâi khuànn kóo-tsá-sî
散凶人真是毋捌字
sàn-hiong-lâng tsin sī m̄-bat-jī
番薯甜甜好滋味
han-tsî tinn-tinn hó tsu-bī
營養美容上有利
îng-ióng bí-iông siōng ū lī
毋知好寶共輕視
m̄-tsai hó-pó kā khin-sī
番薯番薯
han-tsî han-tsî
閣有兩種味
koh ū nn̄g-tsióng bī
古早現在做伙比
kóo-tsá hiān-tsāi tsuè-hué pí
較比嘛是兩種理
khah pí mā sī nn̄g-tsióng lí
較比嘛兩種理
khah pí mā nn̄g-tsióng lí
喂~番薯番薯番薯
ueh~ han-tsî han-tsî han-tsî
黃心芋心攏齊備
n̂g-sim ōo-sim lóng tsiâu-pī
欲食番薯免揀時
beh tsia̍h han-tsî bián kíng-sî
毋免碗
m̄-bián uánn
毋免箸
m̄-bián tī
用手來提真四序
iōng tshiú lâi the̍h tsin sù-sī
炕塗窯
khòng-thôo-iô
真趣味
tsin tshù-bī
食予健康笑微微
tsia̍h hōo kiān-khong tshiò bî-bî
喂~番薯番薯番薯
ueh~ han-tsî han-tsî han-tsî
番薯葉過溝菜
han-tsî-hio̍h kuè-kau-tshài
喝予俗俗你嫌䆀
huah hōo sio̍k-sio̍k lí hiâm bái
賣予貴貴你就愛
bē hōo kuì-kuì lí tiō ài
番薯葉過溝菜
han-tsî-hio̍h kuè-kau-tshài
物好價實在
mi̍h hó kè si̍t-tsāi
上桌真豐沛
tsiūnn-toh tsin phong-phài
欲食較緊來
beh tsia̍h khah kín lâi
毋食做你汰
m̄ tsia̍h tsuè lí thài
臺灣本是番薯地
Tâi-uân pún sī han-tsî tē
番薯出產有夠濟
han-tsî tshut-sán ū-kàu tsuē
食甲有賰無地下
tsia̍h kah ū tshun bô-tè hē
礤簽曝焦囥布袋
tshuah-tshiam pha̍k ta khǹg pòo-tē
臺灣本是番薯仔地
Tâi-uân pún sī han-tsî-á tē
番薯是咱逐家的寶貝
han-tsî sī lán ta̍k-ke ê pó-puè
我愛番薯
guá ài han-tsî
因為咱攏是
in-uī lán lóng-sī
食番薯大漢的臺灣人
tsia̍h han-tsî tuā-hàn ê Tâi-uân-lâng
我愛番薯
guá ài han-tsî
因為咱攏嘛是
in-uī lán lóng mā-sī
食番薯大漢的臺灣人
tsia̍h han-tsî tuā-hàn ê Tâi-uân-lâng
