愛情受阻礙

《愛情受阻礙》Ài-tsîng Siū Tsóo-gāi
江蕙Kang Huī
——————————————
為著咱的將來
uī-tio̍h lán ê tsiong-lâi
暫時佮你來分開
tsiām-sî kah lí lâi hun-khui
我毋是無情無目屎
guá m̄-sī bô-tsîng bô ba̍k-sái
因為家庭來阻礙
in-uī ka-tîng lâi tsóo-gāi

雖然咱兩人
sui-jiân lán nn̄g-lâng
如今分東西
jû-kim hun tang-sai
咱的心肝永遠同在
lán ê sim-kuann íng-uán tông tsāi
希望早一日
hi-bāng tsá tsi̍t-ji̍t
咱的序大人
lán ê sī-tuā-lâng
會當來諒解
ē-tàng lâi liōng-kái