再會啦夏娃娜
《再會啦夏娃娜》Tsài-huē–lah Hā-ua-ná
石喬Tsio̍h-kiâu(石橋Tsio̍h-kiô)
——————————————
夏娃娜再會啦
Hā-ua-ná tsài-huē–lah
雖然是真心愛你
sui-jiân sī tsin-sim ài lí
無奈是環境所致
bô-nāi sī khuân-kíng sóo-tì
請保重毋免掛意
tshiánn pó-tiōng m̄-bián kuà-ì
毋通傷心珠淚滴
m̄-thang siong-sim tsu-luī tih
毋敢來袂記
m̄-kánn lâi buē-kì
你的一片情意
lí ê it-phiàn tsîng-ì
我會時常懷念你
guá ē sî-siông huâi-liām lí
夏娃娜再會啦
Hā-ua-ná tsài-huē–lah
不得已離開著你
put-tik-í lī-khui tio̍h lí
毋是我無情無義
m̄-sī guá bô-tsîng-bô-gī
決心欲回轉都市
kuat-sim beh huê-tńg too-tshī
才來恬恬離開你
tsiah lâi tiām-tiām lī-khui lí
毋敢來袂記
m̄-kánn lâi buē-kì
你的一片情意
lí ê it-phiàn tsîng-ì
我會時常懷念你
guá ē sî-siông huâi-liām lí
夏娃娜再會啦
Hā-ua-ná tsài-huē–lah
今日來離開著你
kim-ji̍t lâi lī-khui tio̍h lí
再相會等待三年
tsài siong-huē tán-thāi sann-nî
我對你難斷情詩
guá tuì lí lân tuān tsîng-si
期待夢中來相見
kî-thāi bāng-tiong lâi sann-kìnn
毋敢來袂記
m̄-kánn lâi buē-kì
你的一片情意
lí ê it-phiàn tsîng-ì
我會時常懷念你
guá ē sî-siông huâi-liām lí
