緊咧
《緊咧》Kín–leh
李愛綺Lí Ài-khí(李嘉Lí Ka)
——————————————
火車聲音唀唀叫
hué-tshia siann-im siù-siù kiò
身軀綴伊搖搖搖
sin-khu tuè i iô iô iô
忽然聽見有人共阮叫
hut-jiân thiann-kìnn ū-lâng kā gún kiò
欸!小姐檢查票(下車)啦
eh! sió-tsiá kiám-tsa phiò–lah
(e! xiǎojiě jiǎnchá piào la)
(e! xiǎojiě xiàchē la)
害阮掣一趒
hāi gún tshuah tsi̍t-tiô
趕緊趕緊
kuánn-kín kuánn-kín
時間超過
sî-kan tshiau-kuè
若是看袂著
nā sī khuànn bē-tio̍h
啊趕緊趕緊
ah kuánn-kín kuánn-kín
緊咧緊咧
kín–leh kín–leh
心肝真礙虐
sim-kuann tsin gāi-gio̍h
坐車若坐轎
tsē-tshia ná tsē-kiō
心肝像火燒
sim-kuann tshiūnn hué sio
火車故意慢慢仔搖
hué-tshia kòo-ì bān-bān-á iô
