初戀的滋味
《初戀的滋味》Tshoo-luân ê Tsu-bī
方瑞娥Png Suī-ngôo
——————————————
有一个少年的
ū tsi̍t-ê siàu-liân–ê
生做真性格
sinn-tsuè tsin sìng-keh
穿插真整齊
tshīng-tshah tsin tsíng-tsê
自彼日佮阮熟似
tsū hit-ji̍t kah gún si̍k-sāi
對阮真好禮
tuì gún tsin hó-lé
做人真笑詼
tsuè-lâng tsin tshiò-khue
伊講阮生做真美麗
i kóng gún sinn-tsuè tsin bí-lē
欲約阮出去加減踅
bueh iok gún tshut-khì ke-kiám se̍h
予阮聽著真歹勢
hōo gún thiann-tio̍h tsin pháinn-sè
心內暗痴迷
sim-lāi àm tshi-bê
有一个少年的
ū tsi̍t-ê siàu-liân–ê
生做真飄撇
sinn-tsuè tsin phiau-phiat
態度真誠懇
thāi-tōo tsin sîng-khún
自彼日佮阮約會
tsū hit-ji̍t kah gún iok-huē
對阮有分寸
tuì gún ū hun-tshùn
做人真斯文
tsuè-lâng tsin su-bûn
伊講阮實在真溫馴
i kóng gún si̍t-tsāi tsin un-sûn
伊講伊實在真愛阮
i kóng i si̍t-tsāi tsin ài gún
予阮聽著咬喙脣
hōo gún thiann-tio̍h kā tshuì-tûn
心內暗叫君
sim-lāi àm kiò kun
