青春純情花
《青春純情花》Tshing-tshun Sûn-tsîng-hue
方瑞娥Png Suī-ngôo
——————————————
請問你愛啥物
tshiánn-mn̄g lí ài siánn-mih
你滿面紅記記
lí muá-bīn âng-kì-kì
愛啥物講啥物
ài siánn-mih kóng siánn-mih
你怎樣毋表示
lí tsánn-iūnn m̄ piáu-sī
你若是愛薔薇
lí nā-sī ài tshiûnn-bî
又驚薔薇有生刺
iū kiann tshiûnn-bî ū sinn-tshì
好花開透無百日紅
hó-hue khui-thàu bô pah-ji̍t âng
機會毋通來失去
ki-huē m̄-thang lâi sit–khì
啊~阮可比
ah~ gún khó-pí
青春的青春的
tshing-tshun ê tshing-tshun ê
純情花一枝
sûn-tsîng-hue tsi̍t-ki
你若對阮有愛意
lí nā tuì gún ū ài-ì
怎樣毋表示
tsánn-iūnn m̄ piáu-sī
請問你愛啥貨
tshiánn-mn̄g lí ài siánn-huè
你總是頭犁犁
lí tsóng-sī thâu lê-lê
愛啥貨講啥貨
ài siánn-huè kóng siánn-huè
你總是驚歹勢
lí tsóng-sī kiann pháinn-sè
做男性愛坦白
tsuè lâm-sìng ài thán-pe̍h
做你要求無問題
tsuè lí iau-kiû bô-būn-tuê
人生並無幾回美夢
jîn-sing pīng bô kuí-huê bí-bāng
這款機會無真濟
tsit khuán ki-huē bô tsin tsuē
啊~阮可比
ah~ gún khó-pí
青春的青春的
tshing-tshun ê tshing-tshun ê
純情薔薇花
sûn-tsîng tshiûnn-bî-hue
請你毋通失機會
tshiánn lí m̄-thang sit ki-huē
機會真歹揣
ki-huē tsin pháinn tshuē
