難忘八月十五暝
《難忘八月十五暝》Lân-bōng Pe̍h-ge̍h Tsa̍p-gōo Mî
司馬三三Su-má Sam-sam
——————————————
今夜月娘光微微
kim-iā ge̍h-niû kng bî-bî
引阮想起彼當時
ín gún siūnn-khí hit-tong-sî
雙人初戀的時陣
siang-lâng tshoo-luân ê sî-tsūn
也是八月十五暝
iā-sī pe̍h-ge̍h tsa̍p-gōo mî
啊~初戀的時陣
ah~ tshoo-luân ê sî-tsūn
也是十五暝
iā-sī tsa̍p-gōo mî
鴛鴦水鴨成雙對
uan-iunn tsuí-ah sîng-siang-tuì
親像你我伴相隨
tshin-tshiūnn lí guá phuānn-sio-suî
愛情若是有堅定
ài-tsîng nā-sī ū kian-tīng
毋驚半暝的露水
m̄-kiann puànn-mî ê lōo-tsuí
啊~愛情有堅定
ah~ ài-tsîng ū kian-tīng
毋驚露水滴
m̄-kiann lōo-tsuí tih
希望愛情好結果
hi-bāng ài-tsîng hó kiat-kó
無疑情海起風波
bô-gî tsîng-hái khí hong-pho
戀花雖然墜落地
luân-hue sui-jiân tuī lo̍h-tē
猶原望你相照顧
iu-guân bāng lí sio tsiàu-kòo
啊~戀花墜落地
ah~ luân-hue tuī lo̍h-tē
望你相照顧
bāng lí sio tsiàu-kòo
夜蟲因何嘆秋風
iā-thâng in-hô thàn tshiu-hong
親像替阮吐大氣
tshin-tshiūnn thè gún thóo-tuā-khuì
聽見梧桐落葉聲
thiann-kìnn ngôo-tông lo̍h-hio̍h siann
想起八月十五暝
siūnn-khí pe̍h-ge̍h tsa̍p-gōo mî
啊~永遠難忘的
ah~ íng-uán lân-bōng ê
八月十五暝
peh-ge̍h tsa̍p-gōo mî
