聲聲叫君聲聲留
《聲聲叫君聲聲留》Siann-siann Kiò Kun Siann-siann Lâu
方瑞娥Png Suī-ngôo
——————————————
聲聲句句求君仔留
siann-siann kù-kù kiû kun-á lâu
我君仔假愛做伊走
guá kun-á ké-ài tsuè i tsáu
愛情一擔賰一頭
ài-tsîng tsi̍t-tànn tshun tsi̍t-thâu
我君仔放阮半路頭
guá kun-á pàng gún puànn-lōo-thâu
哀哀怨怨到深更
ai-ai-uàn-uàn kàu tshim-kinn
割腸割肚淋淚垂
kuah-tn̂g kuah-tōo lâm-luī-suî
愛情雙叉斷一枝
ài-tsîng siang-tshe tn̄g tsi̍t-ki
害阮目屎用手承
hāi gún ba̍k-sái iōng tshiú sîn
一心望君仔好到老啊喂
tsi̍t-sim bāng kun-á hó kàu lāu–ah-uê
無疑佮君仔袂透流
bô-gî kah kun-á buē thàu-lâu
暝日傷心開聲吼啊喂
mî-ji̍t siong-sim khui-siann háu–ah-uê
我君放阮半路頭
guá kun pàng gún puànn-lōo-thâu
悽悽慘慘有一層
tshi-tshi-tshám-tshám ū tsi̍t-tsân
暝日傷心烏焦瘦
mî-ji̍t siong-sim oo-ta-sán
鐵樹開花最困難
thih-tshiū khui-hue tsuè khùn-lân
無疑我君更加殘
bô-gî guá kun kìng-ka tshân
