真情等你倒轉來
《真情等你倒轉來》Tsin-tsîng Tán Lí Tò-tńg–lâi
小林玉 Sió-lîm-gio̍k(王善Ông Siān)
——————————————
聽講你欲來離開
thiann-kóng lí beh lâi lī-khui
心內痛苦像針揻
sim-lāi thòng-khóo tshiūnn tsiam ui
敢講過去的情意
kám-kóng kuè-khì ê tsîng-ì
啊~你放袂記
ah~ lí pàng-buē-kì
梧桐樹葉謝落來
ngôo-tông tshiū-hio̍h siā–lo̍h-lâi
冬天過了又一年
tang-thinn kuè-liáu iū tsi̍t-nî
過去溫暖的情愛
kuè-khì un-luán ê tsîng-ài
希望會閣轉來
hi-bāng ē koh tńg–lâi
心內是真無奈
sim-lāi sī tsin bô-nāi
阮也是欲等待
gún iā-sī beh tán-thāi
你哪會攏毋知
lí ná ē lóng m̄-tsai
阮的心內
gún ê sim-lāi
青春是不再來
tshing-tshun sī put-tsài lâi
阮也是著忍耐
gún iā-sī tio̍h jím-nāi
用真情來期待
iōng tsin-tsîng lâi kî-thāi
你倒轉來
lí tò-tńg–lâi
