酒醉的歌聲
《酒醉的歌聲》Tsiú-tsuì ê Kua-siann
丁鈴Ting Lîng
——————————————
酒醉的歌聲
tsiú-tsuì ê kua-siann
好䆀阮嘛毋知影
hó-bái gún mā m̄ tsai-iánn
我醉醉仔唱
guá tsuì-tsuì-á tshiùnn
你茫茫仔聽
lí bâng-bâng-á thiann
歌聲就是我的心聲
kua-siann tsiū-sī guá ê sim-siann
若毋是我來酒醉
nā m̄-sī guá lâi tsiú-tsuì
阮嘛毋敢唱出聲
gún mā m̄-kánn tshiùnn tshut-siann
莫嫌阮歌歹聽
mài hiâm gún kua pháinn-thiann
莫嫌阮歌歹聽
mài hiâm gún kua pháinn-thiann
心內事唱予恁聽
sim-lāi sū tshiùnn hōo lín thiann
這就是酒醉的歌聲
tse tsiū-sī tsiú-tsuì ê kua-siann
