戇戇空相思
《戇戇空相思》Gōng-gōng Khang Siunn-si
藍弘欽Nâ Hông-khim
——————————————
恬恬等待在你的身邊
tiām-tiām tán-thāi tsāi lí ê sin-pinn
已經幾若年
í-king kuí-lō nî
我陪你悲傷
guá puê lí pi-siong
陪你歡喜
puê lí huann-hí
做你上遙遠的知己
tsuè lí siōng iâu-uán ê ti-kí
你身邊的人來來去去
lí sin-pinn ê lâng lâi-lâi-khì-khì
我毋願離開
guá m̄-guān lī-khui
毋甘受傷時
m̄-kam siū-siong sî
你無人安慰
lí bô-lâng an-uì
至少我佇你身邊
tsì-tsió guá tī lí sin-pinn
戇戇一場空相思
gōng-gōng tsi̍t-tiûnn khang siunn-si
欲等到何時
beh tán-kàu hô-sî
我咧偷偷愛著你
guá teh thau-thau ài tio̍h lí
孤單月光暝
koo-tuann gue̍h-kng-mî
無見半粒星
bô kìnn puànn-lia̍p tshinn
伴著寂寞掛在天邊
phuānn tio̍h tsi̍k-bo̍k kuà tsāi thinn-pinn
戇戇一場空相思
gōng-gōng tsi̍t-tiûnn khang siunn-si
伊攏無看見
i lóng bô khuànn–kìnn
我咧偷偷愛著你
guá teh thau-thau ài-tio̍h lí
我為你痴迷
guá uī lí tshi-bê
夢中來愛你
bāng-tiong lâi ài lí
醒來一切攏是甜
tshínn–lâi it-tshè lóng-sī tinn
—
若是因為你失去自己
nā-sī in-uī lí sit-khì tsū-kí
嘛無算啥物
mā bô sǹg siánn-mih
我是甘願為著愛你
guá sī kam-guān uī-tio̍h ài lí
一切攏會當放棄
it-tshè lóng ē-tàng hòng-khì
