千千萬萬个你
《千千萬萬个你》Tshian-tshian-bān-bān Ê Lí
鍾綺Tsiong Khí
——————————————
目睭瞌瞌
ba̍k-tsiu kheh-kheh
另外其中一个世界
līng-guā kî-tiong tsi̍t-ê sè-kài
會出現
ē tshut-hiān
神經出問題
sîn-king tshut būn-tê
我的頭殼頂
guá ê thâu-khak-tíng
哪會開出一蕊花
ná ē khui tshut tsi̍t-luí hue
天頂的雲是彩色的
thinn-tíng ê hûn sī tshái-sik–ê
Bananas攏踮天頂飛
Bananas lóng tiàm thinn-tíng pue
我的厝頂哪會落雪
guá ê tshù-tíng ná ē lo̍h-seh
我的規身軀袂振袂動
guá ê kui-sin-khu buē-tín-buē-tāng
眼前一切
gán-tsîng it-tshè
攏是我的願望
lóng-sī guá ê guān-bāng
眼前一切
gán-tsîng it-tshè
攏是我的願望
lóng-sī guá ê guān-bāng
這个宇宙有真濟的你
tsit ê ú-tiū ū tsin tsuē ê lí
過去這馬未來
kuè-khì tsit-má bī-lâi
攏是攏是這馬
lóng-sī lóng-sī tsit-má
這个宇宙有真濟的你
tsit ê ú-tiū ū tsin tsuē ê lí
過去這馬未來
kuè-khì tsit-má bī-lâi
攏是攏是這馬
lóng-sī lóng-sī tsit-má
目睭瞌瞌
ba̍k-tsiu kheh-kheh
另外其中一个世界
līng-guā kî-tiong tsi̍t-ê sè-kài
會出現
ē tshut-hiān
拄著彼一个
tú-tio̍h hit tsi̍t-ê
生做佮我仝面
senn-tsuè kah guá kāng bīn
煞袂曉唱歌
suah buē-hiáu tshiùnn-kua
伊講伊想欲結婚生囝
i kóng i siūnn-beh kiat-hun senn-kiánn
雨水滴滴
hōo-tsuí tih-tih
是彩色的
sī tshái-sik–ê
大箍查某囡仔
tuā-khoo tsa-bóo-gín-á
才是美麗
tsiah-sī bí-lē
我哪會有兩三筆土地
guá ná ē ū nn̄g-sann pit thóo-tē
我的規身軀袂振袂動
guá ê kui-sin-khu buē-tín-buē-tāng
眼前一切
gán-tsîng it-tshè
攏是仝一个人
lóng-sī kāng tsi̍t-ê lâng
仝款無仝款的人
kāng-khuán bô kāng-khuán ê lâng
這个宇宙有真濟的你
tsit ê ú-tiū ū tsin tsuē ê lí
過去這馬未來
kuè-khì tsit-má bī-lâi
攏是攏是這馬
lóng-sī lóng-sī tsit-má
這个宇宙有真濟的你
tsit ê ú-tiū ū tsin tsuē ê lí
過去這馬未來
kuè-khì tsit-má bī-lâi
攏是攏是這馬
lóng-sī lóng-sī tsit-má
The universe is in you
The universe is in you
The universe is in you
The universe is in you
