時間停踮彼一暝
《時間停踮彼一暝》Sî-kan Thîng Tiàm Hit Tsi̍t-mî
鍾綺Tsiong Khí
——————————————
我等了真久
guá tán liáu tsin kú
你猶是
lí iáu-sī
猶是攏無出現
iáu-sī lóng bô tshut-hiān
想欲知影
siūnn-beh tsai-iánn
你的生活敢有改變
lí ê sing-ua̍h kám ū kái-piàn
這个城市無你
tsit ê siânn-tshī bô lí
親像失去了一切
tshin-tshiūnn sit-khì liáu it-tshè
心猶原留踮
sim iu-guân lâu tiàm
你愛我的彼一暝
lí ài guá ê hit tsi̍t-mê
朋友苦勸我
pîng-iú khóo-khǹg guá
趕緊清醒
kuánn-kín tshing-tshénn
uh-yeah~因為我
uh-yeah~ in-uī guá
早就無蹛踮你心肝底
tsá tiō bô tuà tiàm lí sim-kuann-té
所有無看著你的日子
sóo-ū bô khuànn-tio̍h lí ê ji̍t-tsí
騙過我家己
phiàn kuè guá ka-tī
心內面已經無你
sim-lāi-bīn í-king bô lí
所有的記持
sóo-ū ê kì-tî
攏是過去的我佮你
lóng-sī kuè-khì ê guá kah lí
所以我退後一步
sóo-í guá thè-āu tsi̍t-pōo
避免我閣心碎
pī-bián guá koh sim tshuì
假做所有一切
ké-tsò sóo-ū it-tshè
攏無要緊
lóng bô-iàu-kín
永遠無人
íng-uán bô-lâng
會當代替你的位置
ē-tàng tāi-thè lí ê uī-tì
