我的心肝寶貝
《我的心肝寶貝》Guá ê Sim-kuann Pó-puè
謝雷Siā Luî
——————————————
自彼日熟似著你
tsū hit-ji̍t si̍k-sāi tio̍h lí
心情親像春花開
sim-tsîng tshin-tshiūnn tshun-hue khui
你的可愛美麗笑容
lí ê khó-ài bí-lē tshiò-iông
不時在阮腦海中
put-sî tsāi gún náu-hái tiong
優美形影芬芳芳味
iu-bí hîng-iánn hun-hong phang-bī
親像下凡的仙女
tshin-tshiūnn hā-huān ê sian-lí
有一句心內的話
ū tsi̍t-kù sim-lāi ê uē
藏佇心肝底
tshàng tī sim-kuann-té
你若可比清芳春花
lí ná-khó-pí tshing-phang tshun-hue
你是我的心肝寶貝
lí sī guá ê sim-kuann pó-puè
自彼日佮你約會
tsū hit-ji̍t kah lí iok-huē
親像蝴蝶弄春花
tshin-tshiūnn ôo-tia̍p lāng tshun-hue
你的古錐燦爛笑容
lí ê kóo-tsui tshàn-lān tshiò-iông
永遠在阮腦海中
íng-uán tsāi gún náu-hái tiong
文雅幼秀溫柔情意
bûn-ngá iù-siù un-jiû tsîng-ì
親像下凡的仙女
tshin-tshiūnn hā-huān ê sian-lí
有一句心內的話
ū tsi̍t-kù sim-lāi ê uē
雄雄講出喙
hiông-hiông kóng tshut-tshuì
想欲佮你蝴蝶雙飛
siūnn-beh kah lí ôo-tia̍p siang-pue
你是我的心肝寶貝
lí sī guá ê sim-kuann pó-puè
