火金蛄佗位去
《火金蛄佗位去》Hué-kim-koo Tó-uī Khì
鄭智仁Tēnn Tì-jîn
詹喆君Tsiam Tiat-kun(?)
——————————————
火金蛄
hué-kim-koo
閃爍爍
siám-sih-sih
在阮細漢的暝
tsāi gún sè-hàn ê mî
伸手掠就滿滿是
tshun-tshiú lia̍h tiō muá-muá-sī
伴阮過童年
phuānn gún kuè tông-nî
忽然東忽然西
hut-jiân tang hut-jiân sai
忽然變無去
hut-jiân piàn bô–khì
親像歌詩親像夢(東西南北分袂清)
tshin-tshiūnn kua-si tshin-tshiūnn bāng
(tang-sai lâm-pak hun buē-tshing)
在阮少年時
tsāi gún siàu-liân-sî
火金蛄走去覕
hué-kim-koo tsáu-khì bih
你是對佗去
lí sī tuì toh khì
去佗位
khì tó-uī
欲請問天
beh tshiánn-mn̄g thinn
月娘笑阮戇笑阮呆
gue̍h-niû tshiò gún gōng tshiò gún tai
天烏烏看無火金蛄
thinn oo-oo khuànn-bô hué-kim-koo
越頭看無路
ua̍t-thâu khuànn-bô lōo
—
天烏烏看無火金蛄
thinn oo-oo khuànn-bô hué-kim-koo
目屎滴落塗
ba̍k-sái tih lo̍h-thôo
