揣袂著答案的愛情
《揣袂著答案的愛情》Tshuē Buē-tio̍h Tap-àn ê Ài-tsîng
潘信維Phuann Sìn-uî
——————————————
人
lâng
我放袂去的人
guá pàng bē-khì ê lâng
佇離袂開的夢內底等待
tī lî bē-khui ê bāng lāi-té tán-thāi
機會再來相會彼工
ki-huē tsài lâi siong-huē hit-kang
等
tán
是你
sī lí
毋是別人
m̄-sī pa̍t-lâng
就算過幾若冬
tiō-sǹg kuè kuí-nā tang
猶是攏有感覺
iáu-sī lóng ū kám-kak
過幾年秋冬
kuè kuí-nî tshiu-tang
思念初遇彼工
su-liām tshoo-gū hit-kang
就算無牽過手
tiō-sǹg bô khan kuè tshiú
也毋驚無希望
iā m̄-kiann bô hi-bāng
揣無答案的愛情
tshuē-bô tap-àn ê ài-tsîng
欲我講啥物話
beh guá kóng siánn-mih uē
毋管是好是䆀
m̄-kuán sī hó sī bái
就算你無愛嘛甘願
tiō-sǹg lí bô-ài mā kam-guān
愛情
ài-tsîng
你欲講
lí beh kóng
我戇戇的等待
guá gōng-gōng ê tán-thāi
我想欲講
guá siūnn-beh kóng
就算無你
tiō-sǹg bô lí
認真愛過
jīn-tsin ài–kuè
就知影彼滋味
tiō tsai-iánn he tsu-bī
