快樂成雙
《快樂成雙》Khuài-lo̍k Sîng-siang
慕容婕柃Bōo-iông Tsia̍t-lîng
——————————————
是愛著你一人
sī ài-tio̍h lí tsi̍t-lâng
毋管每日怎繁忙
m̄-kuán muí-ji̍t tsuánn huân-bâng
對你總是思思念念
tuì lí tsóng-sī su-su-liām-liām
用真心一片情
iōng tsin-sim tsi̍t-phìnn tsîng
裝著笑容滿滿
tsng tio̍h tshiò-iông buán-buán
等春風微微
tán tshun-hong bî-bî
來送輕鬆
lâi sàng khin-sang
對著愛人仔
tuì tio̍h ài-jîn-á
訴心願
sòo sim-guān
講出彩色美麗戀夢
kóng-tshut tshái-sik bí-lē luân-bāng
是緣份到遮
sī iân-hūn kàu tsia
啊~手愛相牽
ah~ tshiú ài sio-khan
請你疼惜花遮清芳
tshiánn lí thiànn-sioh hue tsiah tshing-phang
只為迷醉心愛一人
tsí uī bê-tsuì sim-ài tsi̍t-lâng
為你來妝扮仙女下凡
uī lí lâi tsong-pān sian-lú hā-huān
愛的人阮的人
ài ê lâng gún ê lâng
情有夢心有願
tsîng ū bāng sim ū guān
會當攬予絚絚
ē-tàng lám hōo ân-ân
快樂成雙
khuài-lo̍k sîng-siang
