塗墼厝
《塗墼厝》Thôo-kat-tshù
臺灣合唱團Tâi-uân Ha̍p-tshiùnn-thuân
——————————————
山邊有一條小溪仔媠
suann-pinn ū tsi̍t-tiâu sió-khe-á suí
慢慢流過阮庄的門
bān-bān lâu kuè gún tsng ê muî
溪中的魚蝦仔藏水沬
khe-tiong ê hî-hê-á tshàng-tsuí-bī
野花溪邊開
iá-hue khe-pinn khui
阮的園引這條水
gún ê huînn ín tsit tiâu tsuí
水田仔青青伴厝邊
tsuí-tshân-á tshinn-tshinn phuānn tshù-pinn
雞仔鳥仔一大堆
ke-á tsiáu-á tsi̍t-tuā-tui
烏狗仔袂亂吠
oo-káu-á bē luān puī
月娘暗暝仔點胭脂
gue̍h-niû àm-mî-á tiám ian-tsi
點胭脂
tiám ian-tsi
來伴天星
lâi phuānn thinn-tshinn
來聽水聲
lâi thiann tsuí-siann
聽阿公仔來吟詩
thiann a-kong-á lâi gîm-si
塗墼厝風微微
thôo-kat-tshù hong bî-bî
蹛佇溪仔邊有古早味
tuà tī khe-á-pinn ū kóo-tsá-bī
