曾經後悔
《曾經後悔》Tsîng-king Hiō-hué
詹雅雯Tsiam Ngá-bûn
——————————————
失敗戀情
sit-pāi luân-tsîng
予你懷疑感情的真假
hōo lí huâi-gî kám-tsîng ê tsin-ké
失戀痛苦過程
sit-luân thòng-khóo kuè-thîng
予你心怨慼
hōo lí sim uàn-tsheh
啥物情愛會當予人
siánn-mih tsîng-ài ē-tàng hōo-lâng
一生一世無後悔
it-sing it-sè bô hiō-hué
受傷的人
siū-siong ê lâng
悲傷囥心底
pi-siong khǹg sim-té
分分合合的感情遮濟
hun-hun ha̍p-ha̍p ê kám-tsîng tsiah tsuē
情海變化
tsîng-hái piàn-huà
誰會當控制
siáng ē-tàng khòng-tsè
心會漸漸麻痺
sim ē tsiām-tsiām bâ-pì
愛會慢慢消失
ài ē bān-bān siau-sit
你一生到底會愛幾个
lí it-sing tàu-té ē ài kuí-ê
愛也後悔
ài iā hiō-hué
無愛後悔
bô ài hiō-hué
新愛情予你
sin ài-tsîng hōo lí
袂記你曾經後悔
buē-kì lí tsîng-king hiō-hué
