港邊傷心淚
《港邊傷心淚》Káng-pinn Siong-sim Luī
葉紫凌Ia̍p Tsí-lîng
——————————————
懷念著初戀時
huâi-liām tio̍h tshoo-luân sî
雙人在港邊
siang-lâng tsāi káng-pinn
看著天星伴著月娘
khuànn tio̍h thinn-tshinn phuānn tio̍h gue̍h-niû
談情說愛到深更
tâm-tsîng sueh-ài kàu tshim-kinn
你有對阮來表示
lí ū tuì gún lâi piáu-sī
雙人永遠欲做堆
siang-lâng íng-uán bueh tsuē-tui
無疑會來拆分開
bô-gî ē lâi thiah hun-khui
孤單在港邊
koo-tuann tsāi káng-pinn
流落傷心淚
lâu lo̍h siong-sim luī
聽見著水流聲
thiann-kìnn tio̍h tsuí-lâu siann
引阮心稀微
ín gún sim hi-bî
離開了後無批無信
lī-khui liáu-āu bô-phue bô-sìn
害阮痛苦日連暝
hāi gún thòng-khóo ji̍t liân-mî
今夜又是在港邊
kim-iā iū sī tsāi káng-pinn
孤單叫著你名字
koo-tuann kiò tio̍h lí miâ-jī
若閣想起咱兩人
nā koh siūnn-khí lán nn̄g-lâng
初戀的情意
tshoo-luân ê tsîng-ì
加添心傷悲
ka-thiam sim siong-pi
