三十七計
《三十七計》Sann-tsa̍p-tshit Kè
游家榮Iû Ka-îng
——————————————
彼三十七計
he sann-tsa̍p-tshit kè
是啥物計囉
sī siánn-mih kè–loh
啊人講
ah lâng kóng
細粒干樂仔較𠢕遨
sè-lia̍p kan-lo̍k-á khah gâu gô
啊神醫老計先閣有一套
ah sîn-i Lāu-kè-sian koh ū tsi̍t-thò
街頭巷尾啊人呵咾
ke-thâu hāng-bué–ah lâng o-ló
偷龍轉鳳
thau-liông tsuán-hōng
工夫好
kang-hu hó
啊瞞天過海
ah muâ-thinn kuè-hái
予人仙想閣想攏無
hōo-lâng sian siūnn koh siūnn lóng bô
哈!玲瑯遨
hah! lin-long gô
哈!玲瑯遨
hah! lin-long gô
三十七計
sann-tsa̍p-tshit kè
也會撇步
iā ē phiat-pōo
到底彼是閣啥步數
tàu-tué he sī koh siánn pōo-sòo
啊你激悾來我激戇
ah lí kik khong–lâi guá kik gōng
是悾是戇
sī khong sī gōng
做事閣袂懵懂
tsuè-sū koh buē bóng-tóng
啊做人老實就有好報
ah tsuè-lâng láu-si̍t tō ū hó-pò
天理昭昭閣毋是無
thian-lí tsiau-tsiau koh m̄-sī bô
啊人對人閣愛合和
ah lâng tuì-lâng koh ài ha̍p-hô
毋通想欲來動干戈
m̄-thang siūnn-bueh lâi tāng kan-ko
處處就會來得人和
tshù-tshù tsiū-ē lâi tit jîn-hô
