今生鬥陣行
《今生鬥陣行》Kim-sing Tàu-tīn Kiânn
陳采婕Tân Tshái-tsia̍t
——————————————
情夢夜夜纏
tsîng-bāng iā-iā tînn
戀夢媠閣甜
luân-bāng suí koh tinn
有你陪踮阮身邊
ū lí puê tiàm gún sin-pinn
幸福快樂無地比
hīng-hok khuài-lo̍k bô-tè pí
我是月娘你是星
guá sī ge̍h-niû lí sī tshinn
雙雙對對伴相隨
siang-siang tuì-tuì phuānn-sio-suî
我是雲來你是山
guá sī hûn lâi lí sī suann
天邊海角黏相倚
thinn-pinn hái-kak liâm sio-uá
我是魚仔你是水
guá sī hî-á lí sī tsuí
無你袂當活落去
bô lí bē-tàng ua̍h–lo̍h-khì
你我天生是一對
lí guá thian-sing sī tsi̍t-tuì
永永遠遠拆袂開
íng-íng-uán-uán thiah buē-khui
咱的緣份天註定
lán ê iân-hūn thinn tsù-tiānn
今生今世鬥陣行
kim-sing kim-sè tàu-tīn kiânn
