嘉義高鐵站
《嘉義高鐵站》Ka-gī Ko-thih-tsām
陳采婕Tân Tshái-tsia̍t
——————————————
落著小雨彼一暗
lo̍h tio̍h sió-hōo hit tsi̍t-àm
來到嘉義高鐵站
lâi-kàu Ka-gī ko-thih-tsām
抱著滿腹的希望
phō tio̍h muá-pak ê hi-bāng
欲接心愛你一人
beh tsiap sim-ài lí tsi̍t-lâng
列車一幫一幫開過站
lia̍t-tshia tsi̍t-pang-tsi̍t-pang khui kuè-tsām
踮佇車站
tiàm-tī tshia-tsām
等無你的人
tán-bô lí ê lâng
敢講你是存心將阮放
kám-kóng lí sī tsûn-sim tsiong gún pàng
看袂起阮是庄跤人
khuànn-buē-khí gún sī tsng-kha-lâng
心情沉重挐氅氅
sim-tsîng tîm-tāng jû-tsháng-tsháng
傷心目屎像雨淋
siong-sim ba̍k-sái tshiūnn hōo lâm
情夢醒來一埸空
tsîng bāng tshínn–lâi tsi̍t-tiûnn khang
孤單離開高鐵站
koo-tuann lī-khui ko-thih-tsām
