袂當講的疼
《袂當講的疼》Buē-tàng Kóng ê Thiànn
徐瑰珍Tshî Kuì-tin
——————————————
袂當講的疼
buē-tàng kóng ê thiànn
誰知影
siáng tsai-iánn
看袂著的傷
khuànn buē-tio̍h ê siong
上蓋疼
siōng-kài thiànn
目睭金金佇遐看
ba̍k-tsiu kim-kim tī hia khuànn
往事一幕一幕
óng-sū tsi̍t-bōo-tsi̍t-bōo
藏心肝
tshàng sim-kuann
山頂海邊
suann-tíng hái-pinn
攏是兩人做伙行
lóng-sī nn̄g-lâng tsuè-hué kiânn
如今看無你的影
jû-kim khuànn-bô lí ê iánn
環境迫咱來拆散
khuân-kíng pik lán lâi thiah-suànn
只有暗暗叫著你的名
tsí-ū àm-àm kiò tio̍h lí ê miâ
啊~想欲愛你閣做堆
ah~ siūnn-beh ài lí koh tsò-tui
永遠做著好伴侶
íng-uán tsuè tio̍h hó phuānn-lī
快快樂樂過日子
khuài-khuài-lo̍k-lo̍k kuè ji̍t-tsí
