期待的戀情
《期待的戀情》Kî-thāi ê Luân-tsîng
徐瑰珍Tshî Kuì-tin
——————————————
夜半路燈照孤影
iā-puànn lōo-ting tsiò koo-iánn
陣陣冷風凍心肝
tsūn-tsūn líng-hong tàng sim-kuann
徘徊燈下想規暝
pâi-huê ting-hā siūnn kui-mî
佮你拆散真無奈
kah lí thiah-suànn tsin bô-nāi
雙人真情相意愛
siang-lâng tsin-tsîng sio-ì-ài
無疑命運來阻礙
bô-gî miā-ūn lâi tsóo-gāi
想東想西無路用
siūnn-tang-siūnn-sai bô-lōo-īng
為著生活上悲哀
uī-tio̍h sing-ua̍h siōng pi-ai
毋管別人的心情
m̄-kuán pa̍t-lâng ê sim-tsîng
望你回頭無可能
bāng lí huê-thâu bô khó-lîng
一場春夢未了情
tsi̍t-tiûnn tshun-bāng bī-liáu tsîng
思念彼時的情形
su-liām hit-sî ê tsîng-hîng
期待這段的戀情
kî-thāi tsit tuānn ê luân-tsîng
