酒女的心聲
《酒女的心聲》Tsiú-lú ê Sim-siann
美君Bí-kun
——————————————
環境迫阮來落海
khuân-kíng pik gún lâi lo̍h-hái
做著酒女真悲哀
tsuè tio̍h tsiú-lú tsin pi-ai
人客對阮袂了解
lâng-kheh tuì gún buē liáu-kái
時常暗暗流目屎
sî-siông àm-àm lâu ba̍k-sái
風塵女郎啥人愛
hong-tîn lú-lông siánn-lâng ài
凍了幸福的將來
tàng liáu hīng-hok ê tsiong-lâi
啊~酒女的心聲
ah~ tsiú-lú ê sim-siann
啥人真心來對待
siánn-lâng tsin-sim lâi tuì-thāi
暝日燒酒準飯吞
mê-ji̍t sio-tsiú tsún pn̄g thun
酒醉行路若騰雲
tsiú-tsuì kiânn-lōo ná thîng-hûn
滿腹心情亂紛紛
muá-pak sim-tsîng luān hun-hun
無人會當了解阮
bô-lâng ē-tàng liáu-kái gún
枉費少女的青春
óng-huì siàu-lú ê tshing-tshun
墜落在酒場空遺恨
tuī-lo̍h tsāi tsiú-tiûnn khang î-hūn
啊~酒女的心聲
ah~ tsiú-lú ê sim-siann
啥人真心同情阮
siánn-lâng tsin-sim tông-tsîng gún
