你是在哪裡
《你是在哪裡》Lí Sī Tsāi Ná-lí
林淑貞Lîm Siok-tsing
——————————————
自彼日咱離開
tsū hit-ji̍t lán lī-khui
每日思念你
muí-ji̍t su-liām lí
等何時再相見
tán hô-sî tsài sann-kìnn
好好的來團圓
hó-hó ê lâi thuân-înn
免予我悽慘
bián hōo guá tshi-tshám
再唱著斷腸詩
tsài tshiùnn tio̍h tuān-tn̂g-si
想著環境來阻礙
siūnn-tio̍h khuân-kíng lâi tsóo-gāi
無疑來分離
bô-gî lâi hun-lî
敢誠實阮運命
kám tsiânn-si̍t gún ūn-miā
啊~敢誠實阮運命
ah~ kám tsiânn-si̍t gún ūn-miā
啊~你是在哪裡
ah~ lí sī tsāi ná-lí
咱兩人來分離
lán nn̄g-lâng lâi hun-lî
敢是天註定
kám-sī thinn tsù-tiānn
好鴛鴦心相愛
hó uan-iunn sim siong-ài
毋相信天安排
m̄ siong-sìn thinn an-pâi
愛情是真偉大
ài-tsîng sī tsin uí-tāi
無驚人阻礙
bô kiann lâng tsóo-gāi
哪著叫阮來忍耐
ná-tio̍h kiò gún lâi jím-nāi
分離的悲哀
hun-lî ê pi-ai
愈想起愈傷悲
jú siūnn-khí jú siong-pi
啊~愈想起愈傷悲
ah~ jú siūnn-khí jú siong-pi
啊~你是在哪裡
ah~ lí sī tsāi ná-lí
雖然是咱離開
sui-jiân sī lán lī-khui
你在阮心內
lí tsāi gún sim-lāi
你的聲你的影
lí ê siann lí ê iánn
永遠是無分開
íng-uán sī bô hun-khui
在夢中來相見
tsāi bāng-tiong lâi sann-kìnn
猶原咧相隨
iu-guân teh siong-suî
哪知夢醒看無人
ná tsai bāng-tshínn khuànn-bô lâng
只有阮一人
tsí-ū gún tsi̍t-lâng
也無聲也無影
iā bô-siann iā bô-iánn
啊~也無聲也無影
ah~ iā bô-siann iā bô-iánn
啊~你是在哪裡
ah~ lí sī tsāi ná-lí
