出色的好男兒
《出色的好男兒》Tshut-sik ê Hó Lâm-jî
林淑貞Lîm Siok-tsing
——————————————
飄撇的男兒
phiau-phiat ê lâm-jî
為著好前途
uī-tio̍h hó tsiân-tôo
著愛拍拚來做生理
tio̍h-ài phah-piànn lâi tsuè-sing-lí
踮在社會一切有理智
tiàm-tsāi siā-huē it-tshè ū lí-tì
毋通軟弱失勇氣
m̄-thang luán-jio̍k sit ióng-khì
前途靠自己
tsiân-tôo khò tsū-kí
拍拚免哀悲
phah-piànn bián ai-pi
你是勇敢的好男兒
lí sī ióng-kám ê hó lâm-jî
為著好前途
uī-tio̍h hó tsiân-tôo
認真有志氣
jīn-tsin ū tsì-khì
你是一个勇敢的好男兒
lí sī tsi̍t-ê ióng-kám ê hó lâm-jî
飄撇的男兒
phiau-phiat ê lâm-jî
有情也有義
ū-tsîng iā ū-gī
朋友就是發展的本錢
pîng-iú tiō-sī huat-tián ê pún-tsînn
流落他鄉繁華的都市
liû-lo̍h thann-hiong huân-huâ ê too-tshī
毋通悲傷失志氣
m̄-thang pi-siong sit tsì-khì
前途靠自己
tsiân-tôo khò tsū-kí
認真來趁錢
jīn-tsin lâi thàn-tsînn
你是出色的好男兒
lí sī tshut-sik ê hó lâm-jî
只要有志氣
tsí-iàu ū tsì-khì
會得出頭天
ē-tit tshut-thâu-thinn
你是一个出色的好男兒
lí sī tsi̍t-ê tshut-sik ê hó lâm-jî
