慢牛厚屎尿
《慢牛厚屎尿》Bān Gû Kāu-sái-jiō
東方美惠Tong-hong Bí-huī
——————————————
予恁臆予恁臆
hōo lín ioh hōo lín ioh
千臆萬臆臆袂著
tshian ioh bān ioh ioh buē-tio̍h
原來就是慢牛厚屎尿
guân-lâi tsiū-sī bān gû kāu-sái-jiō
予恁臆予恁臆
hōo lín ioh hōo lín ioh
九斗較贏換一石
káu táu khah iânn uānn tsi̍t tsio̍h
原來伊是去予人招
guân-lâi i sī khì hōo-lâng tsio
免歡喜
bián huann-hí
免歡喜
bián huann-hí
掠雞嘛著一把米
lia̍h ke mā tio̍h tsi̍t-pé bí
放長線來釣大尾魚
pàng tn̂g-suànn lâi tiò tuā-bué hî
免悲傷
bián pi-siong
免悲傷
bián pi-siong
毋是阮無志氣
m̄-sī gún bô tsì-khì
阮是大隻雞慢啼
gún sī tuā-tsiah ke bān thî
你免笑你免笑
lí bián tshiò lí bián tshiò
你免笑你免笑
lí bián tshiò lí bián tshiò
細尾若會赤赤趒
sè-bué nā ē tshiah-tshiah tiô
大尾才袂毋食釣
tuā-bué tsiah buē m̄ tsia̍h-tiò
看會著
khuànn ē-tio̍h
食袂著
tsia̍h buē-tio̍h
食魚食肉愛趁燒
tsia̍h hî tsia̍h bah ài thàn-sio
綴會仔著愛緊標
tuè-huē-á tio̍h-ài kín pio
