愛情親像紙帆船
《愛情親像紙帆船》Ài-tsîng Tshin-tshiūnn Tsuá-phâng-tsûn
沙麗文Sa Lē-bûn
——————————————
海風一陣又一陣
hái-hong tsi̍t-tsūn iū tsi̍t-tsūn
目睭袂轉輪
ba̍k-tsiu bē tńg-lûn
大海無情罩烏雲
tuā-hái bô-tsîng tà oo-hûn
這樣對待阮
tsit-iūnn tuì-thāi gún
你我親像紙帆船
lí guá tshin-tshiūnn tsuá-phâng-tsûn
悲慘的命運
pi-tshám ê miā-ūn
敢是註定無緣份
kám-sī tsù-tiānn bô iân-hūn
想袂到運命遮爾雄
siūnn buē-kàu ūn-miā tsiah-nī hiông
存心來作弄
tsûn-sim lâi tsoh-lōng
痛苦咱兩人
thòng-khóo lán nn̄g-lâng
有話無地講
ū uē bô-tè kóng
無情議論
bô-tsîng gī-lūn
害人無疑問
hāi lâng bô-gî-būn
敢講環境
kám-kóng khuân-kíng
也無通同情阮
iā bô-thang tông-tsîng gún
對阮的傷害遮爾深
tuì gún ê siong-hāi tsiah-nī tshim
—
海水一陣又一陣
hái-tsuí tsi̍t-tsūn iū tsi̍t-tsūn
鼻頭冷變酸
phīnn-thâu líng piàn sng
毋甘你為情起〇〇
m̄-kam lí uī tsîng khí ??
悲傷人失魂
pi-siong lâng sit-hûn
心肝頭鬱卒真怨恨
sim-kuann-thâu ut-tsut tsin uàn-hūn
啥人歹心腸
siánn-lâng pháinn sim-tn̂g
欲將咱折磨到
beh tsiong lán tsiat-buâ kàu
啥物時陣
siánn-mih sî-tsūn
