又閣夢著你
《又閣夢著你》Iū-koh Bāng-tio̍h Lí
沈文程Sím Bûn-tîng
——————————————
喔~故鄉的人
ooh~ kòo-hiong ê lâng
我咧叫你
guá teh kiò lí
毋知你有聽見無
m̄-tsai lí ū thiann–kìnn–bô
昨暝在夢中
tsa-mî tsāi bāng-tiong
又閣夢著你
iū-koh bāng-tio̍h lí
戴著瓜笠
tì tio̍h kue-le̍h
踮在田岸邊
tiàm-tsāi tshân-huānn pinn
彼條溪水
hit tiâu khe-tsuí
彼隻水牛
hit-tsiah tsuí-gû
彼爿彼个小山崙
hit-pîng hit ê sió suann-lūn
猶有一个暗暗思慕
iáu-ū tsi̍t-ê àm-àm su-bōo
隔壁彼个小姑娘
keh-piah hit ê sió-koo-niû
啊~白翎鷥
ah~ pe̍h-līng-si
為怎樣飛來又飛去
uī-tsuánn-iūnn pue-lâi iū pue-khì
是毋是帶來伊的消息
sī-m̄-sī tuà-lâi i ê siau-sit
叫阮早日會當轉去欸
kiò gún tsá-ji̍t ē-tàng tńg–khì eh
