你是阮永遠的伴
《你是阮永遠的伴》Lí Sī Gún Íng-uán ê Phuānn
李芳Lí Hong
——————————————
一聲一句
tsi̍t-siann tsi̍t-kù
叫著你的名
kiò tio̍h lí ê miâ
你是阮永遠的伴
lí sī gún íng-uán ê phuānn
這段的姻緣是天註定
tsit tuānn ê in-iân sī thinn tsù-tiānn
今生今世
kim-sing kim-sè
愛你袂變卦
ài lí buē piàn-kuà
真心真愛毋免咒誓
tsin-sim tsin-ài m̄-bián tsiù-tsuā
感情永遠用心肝
kám-tsîng íng-uán iōng sim-kuann
坎坷道路有你有我
khám-khia̍t tō-lōo ū lí ū guá
困難我毋驚無人伴
khùn-lân guá m̄-kiann bô-lâng phuānn
困難的日子有你有我
khùn-lân ê ji̍t-tsí ū lí ū guá
仝心拚出好名聲
kāng-sim piànn tshut hó miâ-siann
真心的愛
tsin-sim ê ài
毋驚人來阻礙
m̄-kiann lâng lâi tsóo-gāi
感情路上
kám-tsîng lōo-siōng
有你也有我
ū lí iā ū guá
