你心內只有我
《你心內只有我》Lí Sim-lāi Tsí-ū Guá
李芊慧Lí Tshian-huī
——————————————
為你一句心內只有我
uī lí tsi̍t-kù sim-lāi tsí-ū guá
親像山盟海誓在心肝
tshin-tshiūnn san-bîng hái-sè tsāi sim-kuann
雖然我生做無媠
sui-jiân guá sinn-tsuè bô suí
你也無嫌我
lí iā bô hiâm guá
時常寫批予我
sî-siông siá-phue hōo guá
提起你心內只有我
thê-khí lí sim-lāi tsí-ū guá
感動我回你批
kám-tōng guá huê lí phue
講幾句心聲
kóng kuí-kù sim-siann
你的錯愛
lí ê tshò-ài
我欲按怎
guá beh án-tsuánn
面對這款感情
bīn-tuì tsit khuán kám-tsîng
請你予我女性的穩定
tshiánn lí hōo guá lú-sìng ê ún-tīng
我心內就願意
guá sim-lāi tiō guān-ì
心內就願意
sim-lāi tiō guān-ì
佮你行相倚
kah lí kiânn sio-uá
只要你的疼惜
tsí-iàu lí ê thiànn-sioh
永遠無變
íng-uán bô-piàn
我就等你娶
guá tiō tán lí tshuā
為你我的幸福
uī lí guá ê hīng-hok
你我的幸福
lí guá ê hīng-hok
咱互相體貼
lán hōo-siong thé-thiap
等候牽成你來
tán-hāu khan-sîng lí lâi
兩人的生活
nn̄g-lâng ê sing-ua̍h
