運將的心情
《運將的心情》Ùn-tsiàng ê Sim-tsîng
吳宗和Ngôo Tsong-hô
——————————————
做運將的心情
tsò ùn-tsiàng ê sim-tsîng
親像海水湧無停
tshin-tshiūnn hái-tsuí íng bô-thîng
阮為著顧家庭
gún uī-tio̍h kòo ka-tîng
每日開車走無停
muí-ji̍t khui-tshia tsáu bô-thîng
一日總趁無幾千
tsi̍t-ji̍t tsóng thàn bô kuí-tshing
透早到黃昏
thàu-tsá kàu hông-hun
規日嘛真無閒
kui-ji̍t mā tsin bô-îng
今日是啥物事情
kim-ji̍t sī siánn-mih sū-tsîng
窒車窒甲這款形
that-tshia that kah tsit khuán hîng
頭前面又是擋紅燈
thâu-tsîng-bīn iū-sī tòng âng-ting
予阮規工嘛心袂清
hōo gún kui-kang mā sim buē-tshing
有啥人會當了解
ū siánn-lâng ē-tàng liáu-kái
做運將的心情
tsò ùn-tsiàng ê sim-tsîng
