重新出發
《重新出發》Tiông-sin Tshut-huat
百合花樂團Pik-ha̍p-hue Ga̍k-thuân
——————————————
你的生活無價值
lí ê sing-ua̍h bô kè-ta̍t
你的背景無夠力
lí ê puē-kíng bô-kàu-la̍t
你的名字無人捌
lí ê miâ-jī bô-lâng bat
來
lâi
我教你成功的祕訣
guá kà lí sîng-kong ê pì-kuat
馬上予你好運攏爆發
má-siōng hōo lí hó-ūn lóng po̍k-huat
你的頂司會共你提拔
lí ê tíng-si ē kā lí thê-pua̍t
你的人生重新出發
lí ê jîn-sing tiông-sin tshut-huat
莫講家己無價值
mài-kóng ka-kī bô kè-ta̍t
莫講家己無夠力
mài-kóng ka-kī bô-kàu-la̍t
莫講家己無人捌
mài-kóng ka-kī bô-lâng bat
—
你的生活真有價值
lí ê sing-ua̍h tsin ū kè-ta̍t
你的背景真有夠力
lí ê puē-kíng tsin ū-kàu-la̍t
你的名字眾人攏捌
lí ê miâ-jī tsìng-lâng lóng bat
眾人攏捌
tsìng-lâng lóng bat
