愛的跤步
《愛的跤步》Ài ê Kha-pōo
王俊清Ông Tsùn-tshing
——————————————
踏出跤步
ta̍h-tshut kha-pōo
走揣咱的幸福
tsáu-tshuē lán ê hīng-hok
毋驚坎坷的路有風雨
m̄-kiann khám-khia̍t ê lōo ū hong-hōo
再會啦過去的種種
tsài-huē–lah kuè-khì ê tsióng-tsióng
袂閣將阮來耽誤
buē koh tsiong gún lâi tam-gōo
一切是你付出的愛
it-tshè sī lí hù-tshut ê ài
來將阮感動
lâi tsiong gún kám-tōng
茫茫的路
bâng-bâng ê lōo
走揣咱的前途
tsáu-tshuē lán ê tsiân-tôo
毋驚命運作弄
m̄-kiann miā-ūn tsok-lōng
愛堅強
ài kian-kiông
阮的心袂閣再衝碰
gún ê sim buē koh-tsài tshóng-pōng
相信我袂閣遮爾戇
siong-sìn guá buē koh tsiah-nī gōng
一切是你付出的愛
it-tshè sī lí hù-tshut ê ài
來將阮感動
lâi tsiong gún kám-tōng
我的心咧為你走傱
guá ê sim teh uī lí tsáu-tsông
毋管風雨偌爾狂
m̄-kuán hong-hōo guā-nī kông
只要有你陪伴
tsí-iàu ū lí puê-phuānn
毋驚風寒
m̄-kiann hong-kuânn
行出咱人生的路
kiânn tshut lán jîn-sing ê lōo
我的心袂閣再糊塗
guá ê sim buē koh-tsài hôo-tôo
請你綴著阮的跤步
tshiánn lí tuè tio̍h gún ê kha-pōo
因為有你
in-uī ū lí
我袂閣寂寞
guá buē koh tsi̍k-bo̍k
踏出咱愛的跤步
ta̍h-tshut lán ài ê kha-pōo
