舞女的哀怨
《舞女的哀怨》Bú-lí ê Ai-uàn
黃馨慧N̂g Hing-huī
——————————————
霓虹燈閃閃爍爍
nê-hông-ting siám-siám-sih-sih
引人心迷醉
ín lâng sim bê-tsuì
為著環境做舞女
uī-tio̍h khuân-kíng tsuè bú-lí
為著生活不得已
uī-tio̍h sing-ua̍h put-tik-í
陪伴人客在舞池
puê-phuānn lâng-kheh tsāi bú-tî
伴著音樂踅來踅去
phuānn tio̍h im-ga̍k se̍h-lâi-se̍h-khì
裝著笑容
tsng tio̍h tshiò-iông
忍著心內悲
jím tio̍h sim-lāi pi
啥人同情歹命的女兒
siánn-lâng tông-tsîng pháinn-miā ê lú-jî
啥人同情
siánn-lâng tông-tsîng
歹命的女兒
pháinn-miā ê lú-jî
才著來
tsiah tio̍h lâi
才著來做舞女
tsiah tio̍h lâi tsuè bú-lí
