愛無限
《愛無限》Ài Bû-hān
陳怡婷Tân Î-tîng
——————————————
無想欲予人管
bô siūnn-beh hōo-lâng kuán
生活予人縛絚絚
sing-ua̍h hōo-lâng pa̍k ân-ân
一个人跤步放慢慢
tsi̍t-ê-lâng kha-pōo pàng bān-bān
雖然孤單
sui-jiân koo-tuann
阮也甘願
gún iā kam-guān
無想欲予人等
bô siūnn-beh hōo-lâng tán
放感情一向太難
pàng kám-tsîng it-hiòng thài lân
心內親像一个圓環
sim-lāi tshin-tshiūnn tsi̍t-ê înn-khuân
揣袂著情路好選
tshuē buē-tio̍h tsîng-lōo hó suán
阮的愛無限
gún ê ài bô-hān
愛滿滿
ài buán-buán
心肝有時亂亂操煩
sim-kuann ū-sî luān-luān tshau-huân
想辦法禁止來犯
siūnn pān-huat kìm-tsí lâi huān
阮的愛無隨便過關
gún ê ài bô suî-piān kuè-kuan
阮的愛無限
gún ê ài bô-hān
愛滿滿
ài buán-buán
心情難免會有遺憾
sim-tsîng lân-bián ē ū uî-hām
等待有緣人來思戀
tán-thāi ū-iân-lâng lâi su-luân
阮的愛情
gún ê ài-tsîng
美麗閣燦爛
bí-lē koh tshàn-lān
