失戀的心聲

《失戀的心聲》Sit-luân ê Sim-siann
江蕙Kang Huī
——————————————
一个人失戀的心
tsi̍t-ê-lâng sit-luân ê sim
無限的稀微
bû-hān ê hi-bî
雖然是賭著意志
sui-jiân sī tóo tio̍h ì-tsì
堅心毋想伊
kian-sim m̄-siūnn i
誰知影
siáng tsai-iánn
偏想起
phian siūnn-khí
早日雙人好情意
tsá-ji̍t siang-lâng hó tsîng-ì
如今一切枉費去
jû-kim it-tshè óng-huì–khì
才知失戀時
tsiah tsai sit-luân sî

兩年前相親相愛
nn̄g-nî tsîng siong-tshin siong-ài
今日變悲哀
kim-ji̍t piàn pi-ai
真怨嘆伊的假愛
tsin uàn-thàn i ê ké-ài
無情的世界
bô-tsîng ê sè-kài
最難忘的情愛
tsuè lân-bōng ê tsîng-ài
真無疑煞來失敗
tsin bô-gî suah lâi sit-pāi
青春被伊來破害
tshing-tshun pī i lâi phò-hāi
一去不再來
tsi̍t khì put-tsài lâi

三頓飯予阮討厭
sann-tǹg pn̄g hōo gún thó-ià
只有愛唸歌
tsí-ū ài liām-kua
暝日是伊的形影
mî-ji̍t sī i ê hîng-iánn
袂記通拍拚
buē-kì thang phah-piànn
阮為伊賭性命
gún uī i tóo sìnn-miā
風雨猶原也著行
hong-hōo iu-guân iā tio̍h kiânn
姻緣敢是天註定
in-iân kám-sī thinn tsù-tiānn
愈想心愈疼
jú siūnn sim jú thiànn